Муҳтарам Матлубахон Сатториён!
Аҳли қалами маҷаллаи «Фирӯза» Шуморо ба муносибати рӯзи мавлудатон самимона табрик гуфта, бароятон пеш аз ҳама тансиҳатӣ, саодати рӯзгор, неруи тоза ва дар фаъолияти пурмасъули фарҳангиву ҷамъиятӣ комёбиҳои рӯзафзун орзу менамоянд.
Фарҳанг оинаи ҳастии миллат, ҳофизи хотираи таърихӣ ва пайвандгари наслҳост. Рушду ҳифзи фарҳанги миллӣ, арҷгузорӣ ба арзишҳои маънавӣ, дастгирии аҳли адабу ҳунар ва муаррифии мероси пурғановати тоҷикон аз самтҳои муҳими ҳаёти фарҳангии кишвар ба шумор меравад. Дар ин роҳи пуршараф масъулияти роҳбарони соҳа низ басо муҳим аст.
Мо, аҳли қалами маҷаллаи «Фирӯза», ба фаъолияти Шумо дар самти таҳкими фазои фарҳангӣ, пуштибонии ташаббусҳои эҷодӣ ва таваҷҷуҳ ба рушди соҳаҳои гуногуни фарҳангу ҳунар эҳтиром мегузорем.
Бигзор ҳар рӯзи зиндагии Шумо бо эҳсоси қаноатмандӣ аз корҳои анҷомдода, меҳри пайвастаи аҳли фарҳанг ва дастгирии ҳамкорону ҳамфикрон ҳамроҳ бошад. Орзу дорем, ки қалби Шумо ҳамеша саршор аз меҳри Ватан, фарҳанг ва адабиёти миллӣ, андешаҳои созанда ва нақшаҳои бузурги эҷодиву фарҳангӣ бошад.
Дар ин рӯзи фархунда ба Шумо ва пайвандони азизатон саломатии бардавом, рӯзгори обод, хушбахтии хонаводагӣ, умри пурбаракат ва дар фаъолияти минбаъдаатон дастовардҳои нав ба нав таманно дорем.
Зодрӯзатон муборак, муҳтарам Матлубахон Сатториён!
Бо эҳтиром,
аҳли қалам ва кормандони маҷаллаи «Фирӯза»