БОНУВОНИ МУВАФФАҚ — Страница 2

10Июн

By adminNo Comments

Оилаи омӯзгорон

Дар яке аз деҳаҳои дурдасти ноҳияи Темурмалик оилаи Раҳмоновҳоро оилаи омӯзгорон меноманд, зеро ки аъзои ин оила касби омӯзгориро пешаи худ намуда, солҳост, ки барои тарбияи насли наврас саҳми арзандаи хешро мегузоранд. ОМӮЗГОРИ НАВОВАР Ҳилолбӣ Азимова 21-июни соли 1966 дар ҷамоати Танобчии ноҳияи Темурмалик ба дунё омадааст. Ӯ соли 1983 мактаби таҳсилоти миёнаи умумии №3-и деҳаро хатм намуда ба Донишгоҳи давлатии шаҳри Кӯлоб ба номи Абуабдулло Рӯдакӣ ба факултети забон ва адабиёти тоҷик дохил шуд. Сипас, соли 1987 Донишгоҳи номбурдаро бомуваффақият хатм намуд. Ҳилолбӣ фаъолияти омӯзгорияшро ба ҳайси омӯзгори фанни забон ва адабиёти тоҷик дар мактаби таҳсилоти миёнаи умумии №3 оғоз намуд. Ӯ дар давраи фаъолияти кориаш худро ҳамчун омӯзгори навовар ва бомасъулият дар байни ҳай...

Хондан

10Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ, Хабарҳо

Дурахши ситораи нав дар варзиши тоҷик

Дар мусобиқаи ҷаҳонии ҷудо Dushanbe Grand Slam 2025, ки аз 2 то 5-уми май дар шаҳри Душанбе баргузор шуд, ҷавондухтари тоҷик Мадина Қурбонзода соҳиби медали биринҷӣ шуд. Ӯ бо мағлуб кардани ҳарифи чиниаш дар вазни 52 кг дар таърихи ҷудои кишвар аввалин паҳлавонбонуе шуд, ки медали биринҷии Grand Slam-ро ба гардан овехт ва номи худро дар таърихи варзиши тоҷик муҳр зад. ТОҶИКИСТОН ДАР МАҚОМИ АВВАЛ Дар Dushanbe Grand Slam 2025 паҳлавонони тоҷик аз ҳисоби теъдоди нишонҳо миёни 226 варзишгар (123 мард ва 103 зан) аз 27 давлати ҷаҳону 4 қитъаи олам бо гирифтани 11 нишон (4 тилло, 3 нуқра ва 4 биринҷӣ) дар зинаи аввал қарор гирифтанд, ки дар таърихи ҷудои кишвар чунин нишондод маротибаи аввал аст. Нишонҳои тиллоро Эмомалии Нуралӣ (66 кило), Муҳиддин Асадуллозода (73 кило), Сомон Маҳмадб...

Хондан

10Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ

Аз табори хуршед

Исфара – шаҳри дилангезест бо симои ҷавон, таърихи кӯҳан ва мардумони заҳматписанду фарҳангдӯст. Гуфтори нек, пиндори нек ва рафтори нек сокинони ин гӯшаи ватани биҳишосоямонро ҳамсафари ҳамешагӣ аст. Хидмат ба халқу Ватан мароми зиндагиашон мебошад. Исроил Файзиддинов, Ҳунарманди мардумии Тоҷикистон ва ҳофизи хушадои диёр, шаст соли умри пурбаракати худро ба хидмат ба халқу ватан бахшида таронаҳояш ба дилу дидаи дӯстдорони ҳунар роҳ ёфтааанд. Ин ҳунарманди соҳибдил на танҳо дар олами ҳунар шахсияти маҳбуб аст, балки дар зиндагӣ низ инсони хушбахт мебошад, зеро фарзандони накуахлоқу донишманд дорад. Нахли дӯстии моро бо Фараҳноз Исроилзода маҳз ҳунари нотакрори падари бузургвораш пайванд дод. Вақте огоҳ шудам, ки ӯ духтари ин ҳофизи хушхону некном аст, эътимоду бовариам ба фарҳ...

Хондан

10Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ, Хабарҳо

Соҳибэҳтиром

Субҳи содиқ, бо тулуи нахустин нурзарраҳои хуршед Зикамо аз пайи анҷоми кору бори рӯзгор аст. Ӯ модари шаш фарзанд ва ҳашт набера аст. Илова ба рисолати ҳамсарию модарӣ, ҳамчун роҳбар масъулияти тарбияи насли наврасро бар дӯш дорад. Ин бонуи чолоку чаққон, кордон ва масъулиятшиносро дер боз мешиносаму эҳтиромаш мекунам. Ӯ ҳамчун бонуи фаъол ва кордон дар ҳамаи чорабиниҳои ноҳиявӣ саҳми арзандаи худро мегузорад. Инак, каме аз зиндагинома ва фаъолияти кории ин бонуи муваффақ ҳарф мезанем. Шукурова Зикамо Раҳмоновна дар ноҳияи Темурмалик дар оилаи зиёӣ ба дунё омадааст. Ӯ соли 1989 мактаби таҳсилоти миёнаи умумии №1-и ноҳияи Темурмаликро бо баҳои хубу аъло хатм намуда, бо шавҳараш Отубинуло Шарипов ва аҳли фарзандон дар заминҳои хоҷагии деҳқонӣ заҳмат кашида, рӯзгори хешро пеш мебурд. ...

Хондан

10Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ, Хабарҳо

Лабони модарон пурханда бошанд

Устод Лоиқ Шералӣ яке аз шоирони бузурги муосири тоҷик мебошад, ки ашъораш ҳамнавои дили мардум аст. Донандагони осори Лоиқ ӯро шоири зан, замин ва зиндагӣ меноманд, зеро дар шеъри муосири тоҷик беҳтарин тавсифи Зан-Модар, дилдор, сарзамину меҳан ва расотарин тасвиру таъбирҳо аз талхию ширинии рӯзгор дар осори ин шоири беназир таҷассум гардидаанд. Устод Лоиқ умри кам дид, ҳамагӣ 59 сол, вале осори гаронбаҳое аз худ ба мерос гузошт. Дар замони зиндагиаш беш аз 20 маҷмӯаи ашъораш дар Тоҷикистону хориҷ аз он ба нашр расиданд ва нашри китобҳои ӯ пас аз маргаш низ идома доранд. Ҷилди аввали “Куллиёт”-и шоир бори аввал соли 2000 ва баъдан соли 2006 дар Теҳрон ва ахиран соли 2008 дар Душанбе ба табъ расидааст, ки ҳамаи ашъори шоирро фаро гирифтааст. Вале бо гузашти чанд сол маълум шуд, ки чанд...

Хондан

9Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ, Мақолаҳо

Дарси зиндагӣ

Бешак, сароғози ҳар коре аз шавқ ва завқи беандозаи шахс нисбати амали нек ва анҷоми хайр маншаъ мегирад. Интихоби касбу ҳунар ҳанӯз аз дидгоҳи кӯчаки олами тахаюллоти бачагӣ то ба синни камол рушд мекунад. Инсон давоми умри бобаракати хеш аз самараи донишу таҷриба ва маҳорату истеъдоди худ дар ҳаёт баҳравар мегардад ва барои расидан ба мақсадҳои ниҳоӣ амал мекунад. РОҲҲО - ПАЙВАНДГАРИ ДИЛҲО Гуландом Қаландарова - дастпарвари факултети филологияи тоҷики Донишгоҳи миллии Тоҷикистон, таҳсилкардаи солҳои 1980-1985 мебошад. Гуландом ҳамчун ҳодии роҳ байни кӯчабоғҳои деҳаи хушманзараи Ганҷбор ва Шаҳдбор барои таълим додан, илм омӯхтани шогирдони муассисаи таълимии рақами 139-и шаҳри Ваҳдат тайи 40 сол масофаи ду километр роҳро субҳу шом тай менамояд. Ишораи Лоиқи зиндаёд дар ин бора хеле ...

Хондан

8Июн

By adminNo Comments

АСОСӢ, БОНУВОНИ МУВАФФАҚ, ЖУРНАЛ, Мақолаҳо

Рисолати шаҳрвандӣ

Дар шароити ҷаҳони муосир падидаву зуҳуротҳои номатлуб ва равандҳои номуносибе зуҳур кардаанд, ки боиси азбайнравии давлатҳову кишварҳо гашта истодааст. Яке аз ин зуҳуроти хавфнок ва доғи рӯз коррупсия ё худ фасоди молиявӣ мебошад. Таҳлилҳои кишварҳои буҳронзадаи ҷаҳонӣ бозгӯи он аст, ки ҳамин вабои аср, яъне коррупсияро нодида гирифта, сабаби заволи давлатдорӣ ва ҳатто нестшавии бисёре аз кишварҳо гардидааст. Воқеан, коррупсия ва омилҳои ба коррупсия алоқаманд барои рушди иқтисодиёт, сатҳи некуаҳволии мардум, таъмини волоияти қонун ва пешрафти ҳар як кишвари соҳибистиқлол монеа эҷод карда, нобоварӣ ва бенизомиро ба вуҷуд меорад. Ин аст, ки ин падида имрӯз яке аз масъалаи асосии байналмилалӣ буда, ҷиҳати коҳиш додани он талошҳои дастаҷамъона амалӣ карда мешавад. Бо ин мақсад, ...

Хондан

10Май

By adminNo Comments

АСОСӢ, БОНУВОНИ МУВАФФАҚ, ЖУРНАЛ

Занони тоҷик дар ҶБВ

Ҷанги Бузурги Ватанӣ (1941-1945) яке аз саҳифаҳои хунини таърихи башарият мебошад. Мардуми тоҷик, гарчанде садҳо километр дур аз хатти ҷанг қарор доштанд, вале аз даҳшати он эмин намонданд. Наздик ба 300 ҳазор (аз 5 як ҳиссаи аҳолӣ) фарзандони далери тоҷик дар ин ҷанг ширкат варзиданд ва 92 ҳазор нафарашон дар майдони ҳарб ҷон бохтанд. Занону модарони диловари тоҷик ҳам дар он даврони душвор бетарафиро ихтиёр накарданд, балки ҳам дар майдони набард ва ҳам дар ақибгоҳ корномаҳои беназир нишон доданд. Дар бораи таърихи Ҷанги Бузурги Ватанӣ ва саҳми Тоҷикистон дар он китобу рисола ва мақолаҳои зиёде таълиф гардидаанд. Асарҳои адабӣ эҷод шуда, филмҳову намоишҳо офарида шуданд. Вале мавзуи нақши занони Тоҷикистон дар Ҷанги Бузурги Ватанӣ яке аз мавзуъҳое аст, ки то имрӯз ҳамаи паҳлуҳои он п...

Хондан

26Мар

By adminNo Comments

АСОСӢ, БОНУВОНИ МУВАФФАҚ, ЖУРНАЛ

Роҳ ба сӯйи камол

Дар арафаи Наврӯзи оламафрӯз маъмурияти мактаб ба Сафармоҳ супориш доданд, ки сенария омода намуда, баъди дарсҳо бо хонандагони синфҳои болоӣ барномаи идонаро машқ кунад. Сафармоҳ зуд аз пайи кор шуд, зеро ӯ ҳамчун омӯзгори фаъолу ташкилотчӣ дар ҳамаи ҷашнҳои мактабӣ саҳмгузор аст... Сафармоҳ Буракова соли 1999 дар деҳаи Танобчии ноҳияи Темурмалик таваллуд шудааст. Ӯ соли 2017 баъди хатми мактаби миёнаи №3 тибқи квотаи Президентӣ ба факултети педагогикаи ДДОК ба номи А. Рӯдакӣ дохил шуд. Азбаски орзуҳои ҷавонияш амалӣ шуданд, зуд бо ҳамсабақон унс гирифта, аз пайи омӯзиш шуд. Ҳангоми таҳсил дар донишгоҳ худро ҳамчун донишҷӯи фаъол нишон дода тавонист. Мудом дар чорабиниҳо ва озмунҳо иштирок карда, сазовори ҷойҳои намоён мешуд ва аз тарафи роҳбарияти донишгоҳ бо ифтихорномаву тӯҳфаҳо қ...

Хондан

26Мар

By adminNo Comments

АСОСӢ, БОНУВОНИ МУВАФФАҚ, ЖУРНАЛ

Аввалин рӯзноманигорзани тоҷик

Музаффара Қосимова яке аз аввалин бонувони қаламкаши тоҷик мебошад, ки дар матбуот фаъолият кардааст. Ӯ дар саргаҳи таъсиси маҷаллаи «Занони Тоҷикистон» («Фирӯза») қарор дорад. Роҳи тайкардаи ӯ барои имрӯзиён намунаи ибрат буда, кору пайкораш аз дифои ҳуқуқу озодии занон ҳикоят мекунад. Мавсуф 5 майи соли 1907 дар гузари Чорраҳаи шаҳри Самарқанд, дар оилаи Абдуллоҷон Абдухолиқов, шоир ва хаттоти машҳури Самарқанд таваллуд шудааст. Музаффара ҳамроҳи бародаронаш Рашид ва Ғанӣ Абдулло дар мактаби усули нави форсии тоҷикии Абдуқодири Шакурӣ таҳсил намудааст. Дар 18-солагӣ ҳамроҳи ҳамсараш Абдуҳаким Қосимов, дастпарвари Дорулфунуни коммунистии халқи Шарқ, барои таҳсил ба омӯзишгоҳи меҳнаткашони шаҳри Москва рафт. Бо ғалабаи ҳокимияти шуроӣ муҳити зиндагии одамон тағйир ёфта, аллакай, тоби...

Хондан